Şəmkir rayonunda baş verən yol-nəqliyyat hadisəsində beş nəfər həlak olub. Qəzanın detallarına görə, ölənlər Mahmudlu kəndindən Dəllər Cəyir kəndinə toy mərasiminə gedən şəxslər olub.
Mərsimin əvvəlində təşkil olunan "ciyər axşamı"na gedənlərin olduğu "VAZ 2106" markalı avtomobildə olanlar arasında sürücü Əlizamin Aslanov da var idi. Hadisə nəticəsində Əlizamin Aslanovla yanaşı, İlahə Məmmədova (1988), Elvin Məmmədov (2009), Hicran Həmzəyeva (1992) və Zəhra Vəliyeva (2018) vəfat edib.
Qəzanın başvermə səbəbi kimi qarşı tərəf avtomobilinin yüksək sürətlə hərəkət etməsi göstərilir. Vəziyyəti hadisə yerində və ya xəstəxanada araşdıranlar bildiriblər ki, "VAZ 2106"ya çarpan digər avtomobilin sürücüsü hadisəni törətdiyini etiraf edib.
Ölən sürücünün qardaşı Polad Aslanov bildirib ki, hadisə zamanı onlar "ciyər axşamı"na gəlirdilər və həmin vaxt "KIA" markalı avtomobil onları vurub. O qeyd edib ki, qarşı tərəfin sürücüsü öz günahını qəbul edərək "bərk sürürdüm, saxlaya bilmədim" deyib.
Hadisə zamanı ümumilikdə yeddi nəfər xəsarət alıb. Məlumatlarda göstərilir ki, həlak olan sürücünün 5 yaşlı oğlu Qoşqar Aslanovun vəziyyəti ağırdır.
Hadisə ilə bağlı müvafiq araşdırma işləri başlanıb.
