Seutanın məşhur çimərliyi El Trampolin yaxınlığında toplanan yüzlərlə miqrant etiraz aksiyası keçirib.
Aksiya iştirakçıları İspaniya hakimiyyətindən onları Mərakeşə geri qaytarmaq əvəzinə sığınacaq verilməsini tələb ediblər. Onlar İspaniya bayraqları və “Mərakeşə qayıtmaq istəmirik” yazılı plakatlar qaldırıb, “Bizə həll yolu lazımdır” şüarları səsləndiriblər.
Miqrantların çoxu şəhər resurslarının məhdudluğu səbəbindən El Trampolin çimərliyində və ya şəhərin kənarında qeyri-sabit şəraitdə yaşayır, kontinental Avropaya getmək imkanlarını gözləyirlər.
Həftənin əvvəlində İspaniyanın daxili işlər naziri Fernando Qrande-Marlaska bildirmişdi ki, ölkəyə qanunsuz daxil olan şəxslərin anklavda qalmasına, materik hissəsinə səyahət etməsinə və ya qanuni status əldə etməsinə icazə verilməyəcək.
