Azərbaycanın yeniyetmə stolüstü tennisçiləri Türkiyənin Yalova şəhərində təşkil olunan beynəlxalq turnirdə dörd medal ilə qayıdıblar.
Məsələ ilə bağlı Azərbaycan Stolüstü Tennis Federasiyası məlumat verib. Yarışda Türkiyə, Qazaxıstan, Rumıniya, Bolqarıstan və Estoniyanın idmançıları da iştirak ediblər.
Komanda yarışlarında Vaqif Babayevlə Şakir Qədirov ikinci yerə çıxaraq gümüş medala layiq görülüblər. Banu İmanverdizadə ilə Sofiya Trofimenko isə komanda hesabında üçüncü yeri tutaraq bürünc medal əldə ediblər.
Fərdi mübarizədə isə U-15 kateqoriyasında Vaqif Babayev və Şakir Qədirov bürünc medallara sahib olublar.
Turnirdə əldə olunan medallar yeniyetmə komandamızın beynəlxalq səviyyədəki performansını təsdiqləyir.
