Batik Air aviaşirkətinə məxsus Airbus A320 təyyarəsinin hər iki pilotu uçuş zamanı yuxuya gedib. Təyyarə 11 kilometr hündürlükdə olarkən baş verən hadisə Kendaridən Cakartaya reysi zamanı qeydə alınıb.
Gedişat zamanı kapitan müvəqqəti dincəlmək istədiyini bildirib və idarəni ikinci pilota təhvil verib. Bu vaxt avtopilot təyin olunmuş kursu saxlayırdı, lakin təyyarə tədricən planlaşdırılmış trayektoriyadan uzaqlaşmağa başlayıb.
Həmin müddət ərzində hava hərəkətinin dispetçerləri təxminən 28 dəqiqə heyətlə əlaqə qurmağa çalışıblar. Uçuşda 153 sərnişin və 6 heyət üzvü olub; heç kim xəsarət almayıb.
Sonradan ikinci pilot oyandı, dispetçerlərlə əlaqə saxladı və heyət təyyarəni əvvəlki istiqamətə qaytararaq enişi uğurla həyata keçirdi. Uçuş təhlükəsiz şəkildə bitib və sərnişinlərə zərər dəyməyib.
