ABŞ Dövlət Departamenti 35 ölkəyə Vaşinqtonun və Pekinin texnoloji layihələri arasında seçim etmələrinin zəruri olduğunu bildirmək üçün məktub göndərməyə hazırlaşır. Məqsəd süni intellekt, yarımkeçiricilər və kritik mineralların tədarük zəncirlərinin müdafiəsidir.
Hazırlanan məktub layihəsi 2025-ci ildə yaranmış “Pax Silica” təşəbbüsündə iştirak edən ölkələrə ünvanlanacağı qeyd olunur. Həmin platformaya Yaponiya, Avstraliya, Cənubi Koreya və Qazaxıstan da daxil olmaqla təxminən 20 ölkənin qoşulduğu bildirilir.
Sənəddə iştirakın sadəcə üzvlük deyil, müəyyən öhdəliklər tələb etdiyi vurğulanır və eyni zamanda Vaşinqtonun təşəbbüsü ilə bağlı koalisiyada qalmaq üçün Çin tərəfdaşlıqları ilə ziddiyyət təşkil edən proqramlarda iştirakın mümkün olmadığı ifadə edilir.
Məktubun məqsədi ABŞ-ın qabaqcıl süni intellekt texnologiyalarının formalaşması sahəsində Çini resurslardan məhrum etmək strategiyasının bir hissəsi kimi şərh olunur. Dövlət Departamenti dövlətləri məcburi seçimlə üzləşdirərək bu məqsədə nail olmağı planlaşdırır.
2026-cı ilin iyul ayında Çin Xalq Respublikasının sədri Si Cinpin rəqabət aparan bir təşəbbüsə start verdiyi, hələlik hər iki platformaya eyni zamanda qoşulan yeganə ölkənin Qazaxıstan olduğu qeyd edilir.
