İsveçrənin Alp hissəsində 34 il əvvəl itkin düşmüş iki alpinistin cəsədləri aşkarlanıb.
Tapıntı Trift buzlaqında, ölkənin İtaliya ilə sərhədi yaxınlığında turist tərəfindən qeydə alınıb. Ərazilərdən çıxarılan qalıqların aparılan DNA analizləri onların 1992-ci ildə Vaysmies bölgəsində itkin düşən iki belçikalıya məxsus olduğunu müəyyən edib.
Məlumata görə, həmin şəxslər itkin düşdükləri zaman 39 və 41 yaşlarında olublar. Onların ölüm şəraiti hələ açıqlanmamışdır. Rəsmilər qalıqların uzun illər buzlaqda qaldığını bildiriblər.
Ekspertlər son dövrdə Alp buzlaqlarının sürətlə əriməsinin onilliklər əvvəldən itkin düşən insanların qalıqlarının üzə çıxmasına səbəb olduğunu vurğulayırlar. Ötən il Zermatt yaxınlığındakı Obergabelhorn dağında 1994-cü ildən itkin hesab edilən bir şəxsin skeleti tapılmışdı.
