Bu gün Azərbaycan ərazisindən keçməklə Ermənistana Rusiyadan gətirilən buğdanı daşıyan 26 vaqondan ibarət yük qatarı Biləcəri stansiyasından Böyük Kəsik istiqamətinə göndərilib.
Göndərilən tədarükə ümumilikdə 1 820 ton buğda daxildir. Bu partiya Azərbaycandan tranzit vasitəsilə Ermənistana daşınan yüklər çərçivəsində həyata keçirilən növbəti tədarük hesab olunur.
İndiyə qədər Rusiyadan Ermənistana Azərbaycan ərazisindən keçməklə təxminən 43 min tona yaxın taxıl, təxminən 9 min ton gübrə, 1 136 ton propan, 133 ton alüminium, 1 114 ton kömür və 67 ton taxta göndərilib.
Eyni zamanda, Azərbaycandan tranzit vasitəsilə Ermənistana indiyədək təxminən 15 min ton dizel və təxminən 5 min ton «Aİ-92» və «Aİ-95» markalı benzinin ixrac olunduğu bildirilib.
Qatarın Biləcəri stansiyasından yola salınması saat 17:00-da həyata keçirilmişdir.
