Son günlər Rusiya ilə Azərbaycan arasında yaranan gərginlik çərçivəsində Bakı hüquqi və diplomatik yollarla reaksiyalar verib.
Müzakirələrdə qeyd olunub ki, İvan Knyazev, Semyon Uralov və Aleksey Çadayevin Azərbaycanla bağlı sərt açıqlamalarından sonra Azərbaycan tərəfi emosional qarşıdurma deyil, hüquqi və diplomatik mexanizmlərə üstünlük verib.
Bu çərçivədə Baş Prokurorluq Cinayət Məcəlləsinin 214, 281 və 283-cü maddələri üzrə cinayət işi başladıb. Aparılan tədbirlər nəticəsində həmin şəxslərdən bəziləri axtarılan şəxs statusuna salınıb və barələrində həbs qətimkan tədbiri seçilib.
Hadisələrin diqqət çəkən nəticələrindən biri Aleksey Çadayevin Rusiya nəqliyyat nazirinin müşaviri vəzifəsindən istefa verməsi olub.
Rəsmi addımların fokusunun hüquq çərçivəsində qalması və diplomatik kanalların işlədilməsi vurğulanıb, qarşı tərəflə münasibətlərin gərginliyinin idarə olunmasına çalışıldığı bildirilib.
