Azərbaycan Dəmir Yolları QSC sərnişin tələbatının artmasını nəzərə alaraq avqustun 19 və 21-də Bakı–Ağstafa–Bakı istiqamətində əlavə qatar reysləri təşkil edəcək.
Bununla yanaşı, həmin istiqamətlə bağlı Bakı–Qazax–Bakı xətti üzrə gündəlik, ənənəvi qrafiklə səfərlərin davam etdiyi bildirilib.
Xüsusi reyslər üçün qatarların həftənin müəyyən günlərində hansı stansiyadan yola düşəcəyi açıqlanıb: bazar ertəsi və çərşənbə günləri qatarlar Bakıdan, çərşənbə axşamı və cümə axşamı günləri isə Ağstafadan hərəkət edəcək.
Biletləri Bakı və Gəncə Dəmiryol Vağzallarının kassalarından, Azərbaycan Dəmir Yollarının rəsmi internet səhifəsindən və ya “ADY Mobile” mobil tətbiqindən almaq mümkündür.
