Hazırda Bakıda və Abşeron yarımadasında müşahidə olunan, zaman-zaman güclənən şimal-qərb istiqamətli külək sabah axşam saatlarından etibarən tədricən zəifləyəcək.
Ekologiya və Təbii Sərvətlər Nazirliyinin Milli Hidrometeorologiya Xidmətinin Hidrometeoroloji Proqnozlar Bürosunun direktoru Gülşad Məmmədova bildirib ki, avqustun 22-si gündüz saatlarında şimal-qərb küləyi yerini cənub-şərq küləyinə verəcək.
Direktor qeyd edib ki, avqustun 21-i və 22-də Bakıda və Abşeron yarımadasında yağış gözlənilmir. Havanın maksimum temperaturu 30-35 dərəcə isti təşkil edəcək.
Bölgələrdə isə avqustun 21-də aralıq yağıntılı hava şəraiti proqnozlaşdırılır; bəzi yerlərdə yağıntılar qısa müddətli, leysan tipli ola və şimşək çaxması müşahidə edilə bilər. Günün 21-i gündüz saatlarından etibarən yağışların tədricən zəifləyəcəyi, 22-də isə əsasən yağmursuz hava şəraitinin hökm sürəcəyi gözlənilir.
Bölgələrdə mülayim şərq küləyi əsəcək. Havanın maksimum temperaturu Aran rayonlarında 33-38, dağlıq ərazilərdə isə 20-25 dərəcə isti proqnozlaşdırılır.
