Ermənistanın Baş naziri Nikol Paşinyan bildirib ki, Kərki, Barxudarlı və Yuxarı Əskipara Ermənistan ərazisi deyil.
O qeyd edib ki, alma-ata bəyanatının qəbul edildiyi tarixə qədər mövcud olan xəritələrə əsasən Ermənistan və Azərbaycanın sərhəd hədləri göstərilib və bu xəritələr əsasında Kirants sektorunda demarkasiya işləri aparılıb.
Paşinyan vurğulayıb ki, həmin xəritələrdə Kərki, Barxudarlı və Yuxarı Əskiparanın Ermənistan torpağı olmadığı aydın görünür və bu reallığı qəbul etmək lazımdır.
Baş nazir əlavə edib ki, bu məsələlərin hərbi yolla həllinə yol yoxdur və mövzu bağlı, keçmiş bir səhifə sayılır. O bildirib ki, sərhədlərlə bağlı problemlər xalq, iki ölkə və həmin ərazilərdə yaşayan sakinlər üçün münasib şəkildə nizama salınmalıdır.
Paşinyanın sözlərinə görə, demarkasiya prosesləri tamamlandıqdan sonra Ermənistan ərazisinin 29.743 kvadrat kilometr olacağı bildirilir.
