Baltik dənizinin bəzi çimərliklərində zəhərli sianobakteriyaların mövcudluğu müəyyən edilib və səhiyyə orqanları həmin ərazilərdə suya daxil olmamağı tövsiyə edir.
Uzun müddət davam edən yüksək temperatur yosun kütlələrinin daha tez əmələ gəlməsini stimullaşdırır. Günəşli hava şəraiti və suyun isinməsi sianobakteriyaların intensiv şəkildə çoxalmasına şərait yaradır.
Varnemündendən qərbdə aparılan tədqiqatlar dəniz səthində yaranmış yosun "xalçalarında" toksin ifraz edən göy-yaşıl sianobakteriyaların olduğunu təsdiqləyib.
Yerli səhiyyə idarəsi həmin sularda çimməkdən çəkinməyi məsləhət görür. Bu növ göy-yaşıl yosunlarla dəri təması şişkinlik, qıcıqlanma və allergik reaksiyalarla nəticələnə bilər. Ağır hallar zamanı qusma və mədə-bağırsaq pozulmaları da yaranma ehtimalı var.
Həkimlər xüsusilə uşaqlara və heyvanlara diqqətli yanaşmağı vurğulayırlar; itlərin belə sudan içməsinə icazə verilməməlidir.
