Böyük Britaniyanın Dövlət Mülki Xidmətinin keçmiş rəhbəri Kris Uormold işdən çıxarılma səbəbi ilə təxminən 500 min funt sterlinq (655 min dollar) məbləğində müavinət alıb.
Razılaşmanın şərtlərinə bələd mənbələrə görə, o, vəzifəsindən ölkəsinin ABŞ-dəki sabiq səfiri Piter Mandelsonun Ceffri Epşteynlə əlaqələrinə dair qalmaqal fonunda azad edilmişdi.
Uormold üçün 21 ildən artıq iş stajı olan məmurlar üçün nəzərdə tutulan standart ödəniş 260 min funt sterlinq (340 min dollar) təşkil edirdi. Lakin mənbələr bildirir ki, o, məcburi işdən çıxarılmaya görə əlavə kompensasiya barədə razılığa gəlib.
İşdənçıxma müavinətinin dəqiq məbləği hökumətin illik hesabatlarında rəsmi şəkildə açıqlanacaq. Uormold isə mövzu ilə bağlı şərtdən imtina edib.
Belə hallar nadir sayılır; ən yaxın presedent kimi 2022-ci ildə Xəzinədarlıq Departamentinin rəhbəri Tom Skoların Baş nazir Liz Truss-un fəaliyyətinin ilk günündə işdən çıxarılması göstərilir. Ona istifadə edilməmiş məzuniyyət üçün 122 min funt sterlinq daxil olmaqla, ümumilikdə 457 min funt sterlinq (598 min dollar) ödənilmişdi.
