4–5 fevral 2027-ci il tarixlərində Daşkənddə, Uzexpocentre sərgi kompleksində Tashkent Content Market adlı beynəlxalq tədbir keçiriləcək.
Tədbir 5 500 kvadratmetrlik sahədə təşkil olunacaq və 50-dən çox ölkədən gələn 3 000-dən artıq məzmun yaradıcısı, prodüser, alıcı, investor və media şirkəti nümayəndələrinin iştirak edəcəyi gözlənilir.
Tashkent Content Market-in miqyası, beynəlxalq iştirakçı sayı və zəngin proqramı nəzərə alınaraq regionun ən böyük media tədbirlərindən birinə çevriləcəyi proqnozlaşdırılır.
Tədbir çərçivəsində sərgilər, B2B görüşləri, forumlar, məzmun nümayişləri və ustad dərsləri kimi fəaliyyətlər həyata keçiriləcək.
İştirak və əlavə məlumat üçün rəsmi sayt TCM.uz vasitəsilə müraciət etmək mümkündür.
