Baş nazir Əli Əsədov oktyabrın 29-da Gürcüstana işgüzar səfərə yola çıxıb. Patrul.az xəbər verir ki, Tbilisi Şota Rustaveli adına Beynəlxalq hava limanında Əli Əsədovu Gürcüstanın baş nazirinin müavini, iqtisadiyyat və davamlı inkişaf naziri Mariam Kvrivişvili və digər rəsmi şəxslər qarşıladılar. Səfərin məqsədi iki ölkə arasında siyasi və iqtisadi əlaqələrin mövcud vəziyyətini müzakirə etmək və əməkdaşlıq sahələrini gücləndirmək kimi qiymətləndirilir.