Müdafiə Nazirliyinin Mərkəzi Hərbi Həkim Komissiyasının sabiq rəisi Rasim Həsənov məhkəmə zalından azad edilib.
Bakı Hərbi Məhkəməsində hakim Anar Rzayevin sədrliyi ilə keçirilən prosesdə hökm elan olunub və təqsirləndirilən şəxsə 15 min manat məbləğində cərimə tətbiq edilib.
Hökmə əsasən Həsənovun ona qarşı irəli sürülmüş ittihamlar 178.3.2-ci maddə ilə tövsif olunub və məhkəmə qərarına uyğun olaraq cərimə kəsilib.
İttihama görə, 2021–2025-ci illərdə vəzifədə olarkən Rasim Həsənov vəzifə səlahiyyətlərindən sui-istifadə etməklə hərbi qulluqçuların tərxis edilməsi ilə bağlı müraciətlərdən təkrarən, müxtəlif məbləğlərdə pul alması və vəzifə saxtakarlığı etməsi ilə əlaqədar şübhələrə səbəb olub.
İstintaq materiallarına görə, Həsənova qarşı Azərbaycan Respublikası Cinayət Məcəlləsinin 311.3.2, 311.3.3, 313 və 341.2.3-cü maddələri üzrə ittiham irəli sürülmüş, bu əsasla istintaq orqanının vəsatəti və prokurorun təqdimatı ilə məhkəmə tərəfindən həbs-qətimkan tədbiri seçilmişdi.
