Avqustun 17-də axşam saatlarında Qara dənizdə Liberiya bayrağı altında üzən ANNA S adlı yük gəmisinə Novorossiyskdən təxminən 20 dəniz mili məsafədə mərmi ilə zərbə vurulub və daha sonra pilotsuz uçan aparatlarla beş dəfə hücum edilib.
ANNA S Neptune Tradebulk Inc. şirkətinə məxsus olub. Partlayışın törətdiyi yanğın nəticəsində gəmi demək olar ki, tamamilə yararsız vəziyyətə düşüb. Hazırda onun batıb-batmaması barədə məlumat yoxdur. Mərmi gəmidə yük olmadığı halda dəydiyi bildirilib; ANNA S Novorossiyskə taxıl yükləmək üçün istiqamət götürmüşdü.
Gəmidə ümumilikdə 21 ekipaj üzvü olub — 20 filippinli dənizçi və bir rumın kapitan. Onların hamısı gəmini tərk edərək yaxınlıqda olan digər Yunanıstan ticarət gəmisi Elina B tərəfindən xilas ediliblər. Elina B-nin göyərtəsində 20 ekipaj üzvü yerləşmişdi.
Təxminən beş saat sonra ANNA S-in dənizçilərini xilas etmiş Elina B gəmisinə də hücum edilib. Həmin hücumda iki PUA zərbəsi qeydə alınsa da, Elina B təxminən 9,5 düyün sürətlə hərəkət edərək Türkiyə limanına doğru üzməyə davam edib.
Hadisə Novorossiysk rayonunda kommersiya gəmiçiliyinin təhlükəsizliyi ilə bağlı narahatlıqları gücləndirib; bu rayon Rusiyanın taxıl və enerji ixracında önəmli mərkəzlərdən biridir.
Qeyd edək ki, avqustun 16-da Qara dənizdə Skiros adlı digər Yunanıstan tankerinin Ukraynaya məxsus PUA tərəfindən zərbəyə məruz qalması barədə də məlumatlar yayılmışdı.
