Martın 29-da İstanbulda müalicə aldığı xəstəxanada vəfat edən Rasim Balayevin qəbri üçün abidə hazırlığı davam etdirilir. Merhum həm Azərbaycan Kinematoqrafçılar İttifaqının sədri, həm də Xalq artisti kimi tanınıb.
Heykəltəraş Natiq Əliyev bildirib ki, qəbirüstü abidənin layihəsi üzərində iş gedir və layihə təsdiqləndikdən sonra icra mərhələsinə keçiləcək. Hazırda abidənin eskizləri hazırlanır.
Əliyev qeyd edib ki, abidənin işlənməsi ilə bağlı təşəbbüs ailə üzvlərindən gəlib və hələ yekun qərara gəlmək mümkün olmayıb. Müxtəlif konseptlər üzərində müzakirələr aparılır və həm ailə, həm də heykəltəraş öz təkliflərini irəli sürür. O, ortaq məxrəcə tədricən çatılacağını bildirib.
Heykəltəraş əlavə edib: “İnşallah, ilinə qədər hazırlanacaq. Çünki buna məcburuq”.
Natiq Əliyev 15 fevral 2023-cü il tarixli sərəncama əsasən Azərbaycan Rəssamlıq Akademiyasının rektoru təyin edilib. O, Əliağa Vahid, bir sıra xarici ölkələrdə Heydər Əliyev və Xocalı soyqırımı abidələri, habelə Bəxtiyar Vahabzadə, memar Zivər bəy Əhmədbəyov, Üzeyir Hacıbəyli, Hüseyn Cavid, Amaliya Pənahova və Xalq yazıçısı Elçinin qəbirüstü abidələrinin və memorial lövhələrinin müəllifidir.
