Samux rayonunda su kanalında bir nəfərin batması hadisəsi qeydə alınıb.
Hadisə Şəmkir su kanalının Qarabağlar kəndindən keçən hissəsində baş verib. Batan şəxsin 2014-cü il təvəllüdlü M. Mudayev olduğu bildirilir.
Hadisə yerinə polis, prokurorluq və Fövqəladə Hallar Nazirliyinin xilasedici briqadaları cəlb olunub və axtarışlar davam etdirilir.
Fövqəladə Hallar Nazirliyinin “112” qaynar xəttinə həmin ərazidə bir nəfərin batması barədə məlumat daxil olub. İlk məlumata əsasən, dalğıc-xilasedicilər – Kiçikhəcmli Gəmilərə Nəzarət və Sularda Xilasetmə Dövlət Xidməti əməkdaşları – axtarış işlərinə qoşulub.
Hazırda batma ehtimal olunan istiqamətlərdə axtarışlar aparılır. Əlavə məlumat verildikcə yeniləmə göndəriləcək.
