Şanlıurfanın kənd ərazisində yerləşən, İbrahim Tatlısesin uşaqlıq illərinin keçdiyi mağara əsası saxlanılaraq muzey-ev şəklində yenidən təşkil olunan məkan uzun müddətdir ki, boş qalır.
Layihə böyük ümidlərlə həyata keçirilmiş, həmin məkan təmir olunub muzey kimi istifadəyə verilmişdi. Ancaq açılışdan sonra keçən iki il ərzində gözlənilən turist və ziyarətçi axını təmin olunmayıb.
Yerli mənbələrin verdiyi məlumata görə, muzeyə gələnlərin gündəlik sayı orta hesabla bir nəfərdən də aşağı düşür. Bu vəziyyətin əsas səbəbi kimi məkanın yerləşdiyi ərazinin əlverişsizliyi və kifayət qədər tanınmaması göstərilir.
Muzeyin region turizminə can vermək məqsədilə açıldığı vurğulanır, lakin növbəti dövrdə məkanın necə dəyərləndiriləcəyi və ziyarətçi sayını artırmaq üçün hansı addımlar atılacağı hələ dəqiqləşməyib.
Muzey-ev həmçinin İbrahim Tatlısesin özünün vaxtında açıqlamalarında xatırlanan məkanlardan biridir. Sənətçi doğulduğu yerin onun üçün önəmini dəfələrlə vurğulayaraq "Orada doğulduğum üçün fəxr edirəm" demişdi.
Tatlısesin geniş pərəstişkar kütləsinə və şəhərin hər il qəbul etdiyi minlərlə turizə baxmayaraq, muzeyin boş qalması sosial şəbəkələrdə müzakirə mövzusu olub və gələcəkdə ziyarətçi axınının artırılması üçün yeni təşəbbüslərin tələb olunduğu qeyd edilir.
