Siyəzən rayonunda yerləşən və yerli əhali tərəfindən tanınan "Elvin" kafesində güclü yanğın qeydə alınıb. Hadisə nəticəsində iaşə obyekti tamamilə yanaraq istifadəsiz vəziyyətə düşüb.
Yanğın gecə saatlarında başlayıb və yaxınlıqdakı sakinlər arasında təşviş yaradıb. Alov qısa müddətdə bina daxilini əhatə etdiyindən vəziyyət kritik olub.
Hadisə yerinə Fövqəladə Hallar Nazirliyinin yanğınsöndürmə qüvvələri çağırılıb. Onların operativ müdaxiləsi sayəsində yanğının yaxın ərazilərə və digər tikililərə yayılmasının qarşısı alınıb.
İlkin məlumatlara görə, yanğının hansı səbəbdən baş verməsi hələ müəyyənləşdirilməyib. Hadisənin başvermə səbəblərinin müəyyən edilməsi məqsədilə yoxlama-aparıcı tədbirlər davam etdirilir.
