Türkiyənin Düzcə şəhərində tanınmış həkim Erkut Karaca körpüdən yıxılaraq həyatını itirib.
Hadisə zamanı ilkin məlumatlara görə, bir şəxsin avtomobilini yol kənarında saxladıqdan sonra körpüdən aşağı tullandığı iddia edilib. Bildirildiyinə görə, hadisə barədə məlumat daxil olan kimi əraziyə polis və digər müvafiq xidmətlər cəlb olunub.
Yerində aparılan araşdırma nəticəsində bir neçə metr hündürlükdən yıxılan şəxsin Erkut Karaca olduğu müəyyənləşdirilib. İlk tibbi müayinə zamanı onun hadisə yerində vəfat etdiyi təsdiqlənib.
Karaca'nın ölüm xəbəri yaxınları, həmkarları və şəhər sakinləri arasında dərin hüznə səbəb olub.
Hadisənin dəqiq səbəbləri və ölümün hansı şəraitdə baş verməsi ilə bağlı daha ətraflı təhqiqat aparılır və müvafiq ekspertizalar həyata keçirilir.
