Bakı Ağır Cinayətlər Məhkəməsində tanışını qətlə yetirməkdə ittiham olunan Rauf Sadıqovun işi üzrə növbəti məhkəmə iclası keçirilib.
Hakim Hafiz Kamranovun sədrliyi ilə baş tutan prosesdə məhkəmə hökmünü elan edib. Hökmə uyğun olaraq, təqsirləndirilən şəxs 13 il 3 ay müddətinə azadlıqdan məhrum edilib.
Hadisə ötən il dekabrın 26-da Xətai rayonu NZS qəsəbəsində baş verib. Şəxsi münasibətlər zəminində 1994-cü il təvəllüdlü Rauf Sadıqov 1980-ci il təvəllüdlü Ramin Qarayevi bıçaqla qətlə yetirib.
Rauf Sadıqov Cinayət Məcəlləsinin 120.1-ci maddəsi — qəsdən adam öldürmə — ilə ittiham olunub və məhkəmə tərəfindən göstərilən müddətə məhkum edilib.
