İqtisadiyyat Nazirliyi yanında Dövlət Vergi Xidmətində yeni təyinat həyata keçirilib. KONKRET.az və Yurd.Media-ya istinadən yayılan məlumata görə, müvafiq əmr imzalanıb. Əmrə əsasən, Əmiraslan Əliyev Təşkilati risklərin idarə edilməsi şöbəsinin müdiri vəzifəsinə təyin olunub.
Yeni təyinata qədər Əliyev 2026-cı ilin yanvarından sentyabr ayına kimi Dövlət Vergi Xidmətinin daxili audit şöbəsinin müdiri vəzifəsində çalışıb. Bundan əlavə, 2023-cü ilin yanvarından 2025-ci ilin dekabrınadək Şuşa Şəhəri Dövlət Qoruğu İdarəsində baş audit rəhbəri kimi fəaliyyət göstərib. 2021-ci ilin sentyabrından 2023-cü ilin yanvarına qədər isə “Qala Sığorta” ASC-də, 2018-ci ilin yanvarından 2021-ci ilin avqustuna qədər isə “Atəşgah Sığorta” şirkətində daxili audit rəhbəri vəzifəsində çalışıb. 2015-ci ilin noyabrından 2017-ci ilin dekabrına qədər isə “Atəşgah Həyat” Sığorta Şirkətində də eyni vəzifəni icra edib.
Əmiraslan Əliyevin karyerasına 2012-ci ilin iyunundan 2015-ci ilin noyabrına kimi “AzerCredit” təşkilatında daxili auditor və daha sonra daxili audit departamentinin aparıcı mütəxəssisi kimi davam edib. Onun əvvəlki iş təcrübəsi isə 2011-ci ilin iyunundan 2012-ci ilin iyununa qədər “DNS Computers” şirkətində mühasib, 2011-ci ilin yanvarından iyun aylarına qədər “Nurgun Group”da satınalma üzrə mütəxəssis və 2010-cu ilin sentyabrından dekabr aylarına qədər həmin şirkətdə mühasib vəzifələrini əhatə edir.
