Fransada oktyabrın 31-nə planlaşdırılan etiraz aksiyaları ilə əlaqədar təhlükəsizlik tədbirləri gücləndirilib. Ölkədə ümumilikdə 70 min polis və təhlükəsizlik əməkdaşı səfərbər olunub. Daxili işlər naziri Laurent Nunez ictimai asayişin yüksək riskli hesab edilən bu günlərdə şəhər və rayonlarda müdafiə tədbirlərinin artırılacağını deyib. O, bəzi radikal qrupların zorakılıq çağırışları etdiyi və iğtişaşların qarşısının alınması üçün mövcud hüquqi çərçivələrin sərtləşdiriləcəyini vurğulayıb.
Həmkarlar ittifaqları, tələbələr və bəzi siyasi qruplar isə maaşların aşağı olması, yaşam xərclərinin yüksəlməsi və dövlət xidmətlərindəki narazılıqlar üzərinə etirazlara dəvət edib. Noyabrın 5-də ölkə üzrə ümumi tətilin keçiriləcəyi planlaşdırılır ki, bu da gündəlik həyatın və administrativ fəaliyyətlərin çətinləşməsinə səbəb ola bilər.
