Sumqayıtda 9-cu mikrorayon ərazisində baş verən hadisə nəticəsində küçədə olan 15 yaşlı qız xəsarət alıb. Hadisə münasibətlərində olan 18 yaşlı Samir Musayev (şərti ad) tərəfindən baş nahiyəsinə yumruqla zərbə endirilməsi ilə bağlıdır. Zərbədən sonra zərərçəkən yeniyetmə yerindəcə huşunu itirib və təcili tibbi yardım briqadası çağırılıb. Hadisəni törədən şəxs saxlanaraq cinayət işi açılıb. İlkin məlumatlara görə, qısqanclıq zəminində baş verən insidentdən sonra şəxs ifadəsində zərərçəkənlə barışdığını və ziyanı ödədiyini bildirib. Həmin məktəbin 9-cu sinfində təhsil alan Mahirə Bağırova isə bu hadisə ilə bağlı şikayət və tələbin olmadığını deyib. Cinayət işi üzrə məhkəmə qərarı ilə işə xitam verilib və S.Musayev məsuliyyətdən azad olunub.