Prezident İlham Əliyev kənd təsərrüfatının inkişafında xidmətləri olan bir qrup şəxsə təqdim olunan təltiflər üzrə sərəncam imzalayıb. Sərəncama əsasən, tanınmış iş adamı Mürvət Həsənli də “Tərəqqi” medalı ilə təltif olunub. Hüquqi şəxsiyyət kimi tanınan Mürvət Tapdıq oğlu Həsənli 1970-ci ildə doğulub və Azərbaycan Dövlət Aqrar Universitetinin İqtisadiyyat fakültəsini bitirib. 1990-cı illərdən davam edən sahibkarlıq fəaliyyəti ərzində o, kənd təsərrüfatı və quşçuluq sahəsində müxtəlif iri layihələrin müəllifi kimi çıxış edir. Hazırda o, Azərbaycan Quş Əti, Yumurta İstehsalçıları və İxracatçıları Assosiasiyasının (APEPEA) sədri olmaqla yanaşı, Kənd Təsərrüfatı Nazirliyi yanında İctimai Şuranın sədri və Qərbi Azərbaycan İcmasının Qəyyumlar Şurasının üzvü kimi ictimai fəaliyyətini davam etdirir.