Qafqaz News Konkret.az-a istinadən xəbər verir ki, Serbiyanın Pečat qəzeti Rusiya Prezidenti Vladimir Putinin Avropanın gələcək təhlükəsizliyi və sabitliyində mühüm rol oynaya biləcəyini iddia edib. Məqalədə Avropada geniş yayılmış yanaşmanın tənqid edildiyi qeyd olunur. Yazıda deyilir ki, Ukraynada Rusiyaya qarşı mübarizəni davam etdirməklə Avropanın təhlükəsizliyini qorumaq mümkün deyil və bu yanaşma qitənin gələcəyi ilə bağlı narahatlıqları artırır. Həmçinin vurğulanır ki, Avropa siyasi elitaları Rusiyanın maraqlarını nəzərə almadan davamlı sülh və sabitliyin təmin edilməsinin çətin olduğunu başa düşməlidir. Məqalədə müəllif “Avropanın gələcəyinin yeganə əsl qarantı Vladimir Putindir” fikrini səsləndirib.