Qafqaz News Yenisabah.az-a istinadən xəbər verir ki, Rusiya noyabrın 1-də Ukraynanın Vinnitsa vilayətinin Kozyatın icmasına zərbə endirib. Vilayət Hərbi Administrasiyasının rəhbəri Natalya Zabolotnayanın məlumatına görə, hücum nəticəsində iki nəfər həlak olub, o cümlədən 13 yaşlı qız da var. Həmçinin reanimasiyaya yerləşdirilən daha bir qadının həyatını xilas etmək mümkün olmayıb. Hadisə zamanı dörd nəfər yaralanıb; onların üçü uşaqdır. Yaralılar xəstəxanaya yerləşdirilib, vəziyyətləri orta ağır qiymətləndirilir. Zərbə peşə məktəbinin yataqxanası ilə təhsil müəssisəsindən birinin arasındakı əraziyə düşüb. Ukrayna Fövqəladə Hallar üzrə Dövlət Xidməti məlumatına əsasən yataqxananın ərazisində yanğın baş verib və avtomobillər yanıb. Hadisə yerində müvafiq xidmətlər işləyir. Hücumun nəticələri dəqiqləşdirilir.