Beynəlxalq axtarışda olan şəxs Rusiyada saxlanılaraq Azərbaycana təhvil verilib. KONKRET.az xəbər verir ki, bu barədə İnterfaks məlumat yayıb. Məlumata görə, Azərbaycan hüquq-mühafizə orqanlarının xəbərdarlığı əsasında axtarışda olan şəxs dələduzluq etməkdə, etibardan sui-istifadə edərək başqasının əmlakını mənimsəməkdə şübhəli bilinirdi. Müdafiə tərəfi isə bu əməliyyatın ekstradisiya məqsədi ilə həyata keçirildiyini bildirir. Amur vilayəti üzrə DİN-in açıqlamasında qeyd olunur ki, şübhəli şəxs Svobodnı rayonunda keçirilən əməliyyat nəticəsində saxlanılıb. Əməliyyat tamamlandıqdan sonra saxlanılan şəxs ekstradisiya qaydasında Azərbaycana gətirilərək aidiyyəti dövlət qurumlarına təhvil verilib.