Rusiyanın bir neçə hava limanında baş verən kütləvi PUA hücumları nəticəsində aviareyslərdə gecikmə və bəzi uçuşların ləğvi qeydə alınıb. Lent.az-ın KONKRET.az-ın xəbərlərinə istinadən verdiyi məlumata əsasən, oktyabrın 30-u axşam saatlarından 31-nə keçən gecə Moskvada Şeremetyevo və Vnukovo, habelə Sankt-Peterburq Pulkovo havalimanlarında uçuş cədvəllərində ciddi dəyişikliklər baş verib. Gecikmələr əsasən Dubay, Antalya, İstanbul, Soçi və Mərkəzi Asiya şəhərlərinə yönəlmiş sərnişin reyslərinə təsir göstərib. Azərbaycan Hava Yolları (AZAL) məxsus J2 182 nömrəli Bakı reisi də gecikən uçuşlar sırasındadır və təyyarənin uçuşu saat 13:45-ə təxirə salınıb. Bundan əlavə, EgyptAir-in Şarm əl-Şeyx istiqamətində MS 728 nömrəli reysinin uçuşu saat 11:00-a köçürülüb. Rusiya hava limanlarında bəzi aviareyslər bir neçə saat davam edən gecikmələrlə müşayiət olunub və bir sıra uçuşlar tamamilə ləğv edilib.