Qafqaz News Manset.az-a istinadən xəbər verir ki, Ukrayna PrezidentiVolodimir Zelenski Türkiyə səfəri zamanı Rusiyanın nəzarətində olan torpaqlardan imtina edilməyəcəyini ifadə edib. O, Krımın da bu müddəənin xaricində olmadığını bildirərək, “Rusiyanın müvəqqəti işğalı altında olan Krım da daxil olmaqla, şərqdəki torpaqlarımızın Rusiyaya aid olduğunu qəbul edə bilmərik. Bu, bizim qürurumuza, cəmiyyətimizin iradəsinə və konstitusiyamıza ziddir” deyə qeyd edib. Zelenski vurğulayıb ki, Rusiya bunu istəsə də bunu müxtəlif vasitəçilər üzərindən çatdırmağa çalışır, lakin bu yanaşma sağlam və məntiqli deyil. Onun sözlərinə görə, prioritet atəşkəsin təmin edilməsi və sonrasında digər mövzuların müzakirəsidir. Sülh prosesi çərçivəsində enerji, dəniz atəşkəsləri və əsir mübadilələri kimi məsələlərin gündəliyə daxil ediləcəyi bildirilir. Liderlər sammitinin əsas gündəmi isə tam atəşkəsin əldə edilməsidir və bunun izlənməsi üçün güclü mexanizm qurulmasıdır. Zelenski əlavə edib ki, atəşkəsin əldə edilməsi bir məsələdir; sonrasını isə izləmə, nəzarət və kimlərin nəzarət edəcəyi müəyyənləşdirəcək. Bundan sonra müharibənin sonuna aparacaq yol xəritəsi də ortaya çıxacaq. O, təhlükəsizlik zəmanətlərinin də çox vacib olduğunu deyib; Ukrayna bu sahədə tərəf olaraq özünü gördüyünü, lakin Rusiyanın da gündəmə gətirdiyini bildirib. Türkiyədə görüşən liderlərin bu məsələni geniş müzakirə etdiyini vurğulayan Zelenski Vladimir Putinlə görüşə hazır olduğunu da ifadə edib.