Şəki rayonu, Oxud kəndində bələdiyyə sədri zərər görüb. Demokrat.az məlumatında qeyd olunur ki, hadisə dünən axşam baş verib. Kəndin toydan əvvəlki axşam keçirilən məclisində baş verən mübahisə zamanı Oxud kəndi üzrə icra nümayəndəsi Oruc Əhmədov ilə bələdiyyə sədri Tərlan Səlimov arasında fikir ayrılığı yaranıb. İddiaya görə, sərxoş olan icra nümayəndəsi bələdiyyə sədrinin başına şüşə butulka vurub. Məlumata görə, zərərçəkən başına tikiş üçün xəstəxanaya müraciət edib. Hadisə ilə bağlı icra nümayəndəsinin hərəkətləri icra hakimiyyətində narazılığa səbəb olub. Qaynının Şəki Rayon İcra Hakimiyyətində şöbə müdiri olduğu bildirilən Oruc Əhmədovunun davranışı ilə bağlı araşdırma davam edir. Faktla bağlı Şəki Rayon Polis İdarəsində istintaq aparılır.