Qafqaz News Manset.az-a istinadən xəbər verir ki, İngiltərədə Hellouin şənliyi zamanı beş yeniyetmənin bıçaqlanması ilə bağlı araşdırma davam edir. Hadisə şənbə günü saat 22:30-dan az sonra, Eastleigh yaxınlığındakı Chandler’s Ford bölgəsində Park yolunda baş verib. Hadisə yerinə polis və təcili yardım komandaları göndərilib. Yaralananların üçü 16, ikisi isə 17 yaşındadır və hamısı xəstəxanaya yerləşdirilib. Hempşir polisi əvvəlcə bəyan edib ki, bıçaqlanma hadisəsinə səbəb olan qrup şəxs Park yolunda keçirilən şənliyə zorla daxil olub. Hazırda hadisə ilə bağlı araşdırma davam edir.