Qafqaz News Nocomment.az-a istinadən xəbər verir ki, Ermənistan hökuməti yeni Konstitusiyanın qəbulunu və Müstəqillik Bəyannaməsindən imtina edilməsini nəzərdə tutan addımları açıqlayıb. Baş nazir Nikol Paşinyan ölkənin Müstəqillik Bəyannaməsini dövlət əleyhinə mətn adlandıraraq, orada yerləşdirilmiş ideologiyanın rədd edilməsinin respublikanın milli maraqlarına uyğun olduğunu deyib. O, brifinqində bildirib ki: “Belə bir mətnlə müstəqil dövlətin olması mümkün deyil. Bu mətn bir dövlətin mövcudluğunun qeyri-mümkünlüyündən bəhs edir. Biz tariximizdən dərs çıxarmalıyıq.” Paşinyan əlavə edib ki, yeni Konstitusiyanın hazırlanması Ermənistan dövlətinin davamlılığını təmin etmək zərurətindən irəli gəlir və o, vətəndaşlarının bu ideyaya dəstək verəcəyinə əminliyini ifadə edib.
Parlamentin spikeri Ruben Rubinyan da müxalifət fraksiyalarına müraciət edərək, yeni Konstitusiya layihəsinin referenduma çıxarılmasına imkan yaratmağa çağırıbdı. Rubinyan bildirib ki, müxalifətin sənədin əleyhinə kampaniya aparmaq hüququ qorunur və xalqın qərarı çıxarılsın deyə parlamentdə lazımi say səslə sənədin irəli sürülməsinə şərait yaradıla bilər. O, “Onlara parlamentdə bu sənədin sırf texniki baxımdan irəliləməsi üçün lazım olan sayda səs toplamağa mane olmayan şərait yaradılmalıdır” fikrini dilə gətirib. Hökumət tərəflərin bu ardıcıl addımlarını yaxın aylarda referendum hazırlıqlarına başlanacağını və sülh müqaviləsinin imzalanması üçün hüquqi maneələrin aradan qaldırılacağını göstərən göstərici kimi dəyərləndirir.
Məsələ ilə bağlı NOCOMMENT.az-a danışan professor, politoloq Qabil Hüseynli bildirib ki, Ermənistan rəhbərliyinin Konstitusiya dəyişikliyi və Müstəqillik Bəyannaməsindəki torpaq iddialarından imtina etmək istəyi regionda geosiyasi reallıqları həzm etməyə başladığını göstərir. “Paşinyan və komandasının referenduma getmək əzmi Azərbaycanla yekun sülh müqaviləsinin imzalanması üçün vacib hüquqi zəmin yaradır, çünki Bakının əsas tələbi məhz Ermənistan Konstitusiyasından Azərbaycana qarşı ərazi iddialarının çıxarılmasıdır. Müxalifət bu müqaviməti davam etdirə bilsə də, erməni cəmiyyəti də başa düşür ki, qonşular ilə sülh şəraitində yaşamaq üçün bu revanşist ideologiyadan birdəfəlik imtina etmək zəruridir.”
