Naftalan Uşaq-Gənclər İdman Məktəbinin (UGİM) keçmiş direktoru Fazil Əliyev vəfat edib. Şəhər üzrə gənclər və idman sektoru tərəfindən yayılan məlumatda bildirilir ki, Fazil Tofiq oğlu Əliyev 1993–2016-cı illərdə UGİM-in direktoru vəzifəsində çalışıb, sonrakı illərdə isə məşqçi-müəllim kimi fəaliyyət göstərib. Uzun müddət davam edən fəaliyyətinə görə o, 5 mart 2021-ci il tarixli, S-01 nömrəli qərarla “Azərbaycan Respublikasının Fəxri Bədən Tərbiyəsi və İdman İşçisi” adına layiq görülüb.