Fransada oktyabrın 31-də baş verən iğtişaşlar zamanı təxminən 80 nəfər xəsarət alıb. Yeni Sabahın məlumatına görə, bu barədə Fransa Mülki Müdafiə Xidməti açıqlama yayıb. Xəsarət alanlardan 18-i təhlükəsizlik qüvvələrinin əməkdaşı, 60-ı isə etirazçıdır. Qəzetin verdiyi məlumata görə, iğtişaşlar əsnasında 20 ticarət obyektinə ziyan dəyib və bu rəqəm əvvəlki həftələrlə müqayisədə nisbətən aşağıdır. Bildirilir ki, oktyabrın 31-i Fransada ardıcıl üçüncü şənbə günü ümummilli etiraz aksiyaları keçirilmişdir. Daxili İşlər Nazirliyinin məlumatına əsasən ölkə üzrə iştirakçı sayı 320 min nəfər olub; Parisdə isə bu rəqəm 70 min təşkil edib. Aksiya təşkilatçıları isə ölkə üzrə təxminən 500 min, Paris üzrə isə 200 min nəfərin iştirak etdiyini bildirirlər. Ümumilikdə, aksiyalar zamanı 565 nəfər saxlanılıb.