Qafqaz News Patrulaz.az-a istinadən xəbər verir ki, Metropark ticarət mərkəzində yerləşən Cafe Love City restoranında baş verən fırıldaqçılıq hadisəsi ilə bağlı görüntülər yayılıb. Hadisə oktyabrın 31-də günorta saat 16:06 radələrində qeydə alınıb. İddia olunanlara görə, ailə üzvləri üçün burger sifariş etmiş müştəri qadın, qucağında oturan azyaşlı qızının saçından gizlicə bir neçə tüklər kəsərək çantasının üzərinə qoyub. Yemək yekunlaşmaq üzrə ikən o, çantadakı həmin tükləri götürərək burgerlərdən birinin arasına yerləşdirib. Bu əməlindən dərhal sonra ofisiantı çağıran müştəri yeməkdən tüklər çıxdığını bəhanə edərək hesab ödəmədən restoranı tərk edib. Sözügedən hadisə restoranın təhlükəsizlik kameraları tərəfindən anbaan qeydə alınıb və görüntülər fırıldaqçılıq faktını açıq-aşkar göstərir.