Qafqaz News Konkret.az-a istinadən xəbər verir ki, avtomobil ilə beynəlxalq sərnişin və yük daşımaları fəaliyyətinin operatorunun məsul şəxsləri, beynəlxalq yük daşımalarını həyata keçirən sürücülər və ölkədaxili sərnişin və yük daşımalarını yerinə yetirən sürücülər üçün imtahanlar təşkil olunacaq. Bu məqsədlə Dövlət İmtahan Mərkəzindən (DİM) məlumat verilib. İmtahanlarda iştirak etmək üçün ümumilikdə 313 nəfər qeydiyyatdan keçib: beynəlxalq yükdaşıma – 105, operatorların məsul şəxsləri – 15, ölkədaxili sərnişin daşıma – 67, ölkədaxili yük daşıma – 126. İmtahanların keçirilməsi üçün 4 imtahan rəhbəri, 21 nəzarətçi və 3 buraxılış rejimi əməkdaşı ayrılıb. Avtomobil ilə beynəlxalq sərnişin və yük daşımaları fəaliyyətinin operatorunun məsul şəxslərinin imtahanı DİM-in elektron imtahanlar korpusunda keçiriləcək. Beynəlxalq yük daşımalarını həyata keçirən sürücülərin imtahanı isə e-imtahan korpusunda baş tutacaq. Ümumiyyətlə, ölkədaxili sərnişin və yük daşımalarını yerinə yetirən sürücülərin xüsusi hazırlığının nəticələrinin qiymətləndirilməsi imtahanları Bakı şəhərində, Binəqədi rayonu, S.S.Axundov küçəsi, 50 ünvanındakı TÜRKPA-nın yanı və Naxçıvan şəhərində 4 saylı orta məktəbdə, Gəncə şəhərində isə Vaqif Əliyev adına 12 nömrəli tam orta məktəbdində keçiriləcək.