Qafqaz News Demokrat.az-a istinadən xəbər verir ki, İrandan Azərbaycana Pilotsuz Uçuş Aparatı (PUA) ilə narkotik keçirilməsinin qarşısı alınıb. Dövlət Sərhəd Xidməti (DSX) bildirir ki, Horadiz və Göytəpə sərhəd dəstələrinin xidməti ərazilərində ümumilikdə 22 kiloqram 900 qram narkotik vasitənin keçməsinə imkan verilməyib. Hadisə yerinə baxış zamanı Horadiz sərhəd dəstəsinin ərazisində 15 kiloqram 400 qram və Göytəpə sərhəd dəstəsinin ərazisində 7 kiloqram 500 qram narkotik götürülüb. Faktlarla bağlı əməliyyat-istintaq tədbirləri davam etdirilir.