Azərbaycan Tibb Universitetinin Tədris Cərrahiyyə Klinikasının tibbi ləvazimatların, o cümlədən diaqnostik və guiding kateterlərin, guide wire, PTCA balonlarının və digər zəruri materialların təchizatı üzrə keçirdiyi satınalma proseduru yekunlaşıb. Müsabiqənin nəticələrinə əsasən qalib adını AZƏRİ MED MMC qazanıb. Şirkət təklifini 1 milyon 238 min 41 manat 25 qəpik dəyərində irəli sürüb. Qeyd edək ki, satınalmanın ilkin ehtimal olunan dəyəri 1 milyon 400 min 743 manat 14 qəpik təşkil edib. Beləliklə, qalib şirkətin təklifi gözlənilən qiymətdən 162 min 701 manat 89 qəpik (11,6%) aşağı olub. Məlumat üçün bildirək ki, 2004-cü ilin iyul ayında dövlət qeydiyyatına alınan AZƏRİ MED MMC-nin nizamnamə kapitalı 14 milyon 187 min 360 manatdır və qanuni təmsilçisi Famil Rəhimlidir. Şirkət ölkədə fəaliyyət göstərən xəstəxana və aptekləri dərman vasitələri, qida əlavələri, tibbi avadanlıq və sərf materialları ilə təmin edir.