Qafqaz News Nocomment.az-a istinadən xəbər verir ki, Megastore mağazalar şəbəkəsi inzibati qaydada cərimə olunub. Xitab24.az-ın bildirdiyinə görə, bu qərar vətəndaş şikayəti əsasında verilib. İlkin Tağıyev adlı vətəndaş Antiinhisar və İstehlak Bazarına Nəzarət Dövlət Agentliyinə müraciət edib və Megastore-dan 1 litrlik Sirab qazsız suyun qiymət kağızında 0.89 manat göstərildiyi halda kassada 1 AZN-ə satıldığını bildirib. Aparılan araşdırmada faktdan xəbərdar olunub və nəticədə Megastore barəsində İnzibati Xətalar Məcəlləsinin 447.0.1 maddəsi ilə protokol tərtib edilib. Yasamal Rayon Məhkəməsinin qərarı ilə şirkət 4000 manat cərimələnib. Şirkətin apellyasiya şikayəti isə təmin edilməyib.