Azərbaycan Respublikasının müdafiə naziri general-polkovnik Zakir Həsənov Türkiyə Respublikasının milli müdafiə naziri Yaşar Gülərə başsağlığı verib. Başsağlığında vurğulanıb ki, Hakkari bölgəsində yerləşən 7-ci Sərhəd Briqadası Komandanlığından olan bir hərbi qulluqçunun sərhədpozma hadisəsinə müdaxilə zamanı açılan atəş nəticəsində həlak olması xəbəri dərindən kədərləndirib. Həlak olan hərbi qulluqçuya Allahdan rəhmət dilənilir, yaxınlarının dərdlərinə şərik olmaq və ailəsinə dərin hüznlə başsağlığı verilir. Allah rəhmət eləsin.