Türkiyənin Nevşehir vilayətindəki Kapadokya bölgəsində baş verən çökmə nəticəsində bir peribacası qoparaq ərazidəki turistlərə düşüb. Oktyabrın 29-da Göreme Açıq Hava Muzeyinin yaxınlığında qeydə alınan hadisədə güclü yağışlardan sonra peribacalarının birinin dişli hissəsi tarazlığını itirərək yerə düşüb. Nəticədə Sakaryanın Geyve rayonunda fəaliyyət göstərən internet xəbər portalının əməkdaşı və həyat yoldaşı vəfat edib. Müvafiq olaraq 31 yaşlı jurnalist Fatih Eray Tuna və həyat yoldaşı Begüm Çetinkaya Tuna həyatlarını itirənlər arasındadırlar. Cütlük yalnız üç ay əvvəl ailə qurduğu bildirilir. Hadisənin digər qurbanı isə 37 yaşlı Fransa vətəndaşı olub. Hadisə nəticəsində beş nəfər daha yaralanıb. Hüquq-mühafizə orqanları tərəfindən hadisə ilə bağlı araşdırma başlanılıb.