Azərbaycan prezidentinin köməkçisi Hikmət Hacıyev Cefri Saksa müsahibəsində Roma Papası XIV Leonun Müqəddəs II İohann Pavel adına Bakıda ikinci Katolik kilsəsinin açılış mərasimində iştirak edə biləcəyi ümidini ifadə edib. O, bildirib ki, Bakıda birincisi artıq tam fəaliyyət göstərən məbədin yanında ikincisi də hökumətin ianəsi hesabına inşa olunur və hökümət bu kilsənin açılışında Papanın iştirakını arzulayır. Hacıyev əlavə edib ki, Azərbaycanla Müqəddəs Taxt-Tac arasında sıx münasibətlər mövcuddur, Prezident İlham Əliyev Papaya Azərbaycana səfər dəvətini təqdim edib. O qeyd edib ki, iki Roma Papası (II İohann Pavel və Fransisk) Azərbaycanda səfərdə olub. Hacıyev Vatikanın ərazi bütövlüyündə qədim xristian katakombalarının bərpasına göstərilən dəstəyə görə minnətdarlıq bildirib. Söhbət əsnasında o, rəsmi Bakı tərəfindən sivilizasiyalar dialoqunun tərəfdarı kimi çıxış edildiyini və bu istiqamətdə beynəlxalq konfranslar üçün Azərbaycanın məkən ola biləcəyini vurğulayıb. Azərbaycanın mühüm tərəfdaşlarından biri kimi Vatikanın adını çəkən Hacıyev, əlavə edib ki, bu kateqoriya üzrə əməkdaşlıq davam etdirilir. Qeyd edək ki, Bakı Şəhər İcra Hakimiyyəti 2024-cü il mayın 1-də verilən sərəncamla Yasamal rayonu, Abbas Mirzə Şərifzadə küçəsi, giriş 722 ünvanında yerləşən 0,17 hektar torpaq sahəsinin Katolik Kilsəsinin istifadəsinə qaytarılması ilə bağlı qərar çıxarıb. 2024-cü ilin dekabrında Müqəddəs II İohann Pavel kilsəsinin təməlqoyma mərasimi də keçirilib.