Qafqaz News Yeniavaz.com-a istinadən xəbər verir ki, Ermənistan hökuməti ABŞ Prezidenti Donld Trampın adını daşıyan “Beynəlxalq Sülh və Rifah üçün Tramp Marşrutu” (TRIPP) layihəsi çərçivəsində ilkin işlərə başlayıb. Paşinyan noyabrın 2-də parlamentin daimi komitələrinin birlik iclasında 2027-ci ilin dövlət büdcəsi layihəsinin müzakirəsi zamanı bu hərəkətin başladığını bildirib.
Baş nazir deyib ki, növbəti mərhələlərin təşkilini gözləmədən hökumət öz təşəbbüsü ilə dəmir yolu, avtomobil yolu və elektrik xətlərinin layihələndirilməsi işlərinə başlayacaq. “Biz vaxt itirmək istəmirik. TRIPP inkişaf şirkəti yaradılan kimi Ermənistan hökuməti tamamlanmış işləri ona təhvil verəcək”, - deyə Paşinyan vurğulayıb.
Paşinyanın sözlərinə görə, TRIPP layihəsinin reallaşdırılması Ermənistanın 30 ildən artıqdır davam edən blokadadan çıxmasına imkan yaradacaq. O bildirib ki, layihə Şərq-Qərb və Şimal-Cənub istiqamətlərində mövcud maneələrin aradan qaldırılmasına şərait yaradacaq.
Baş nazir eyni zamanda qeyd edib ki, bu, bütün infrastruktur layihələrinin TRIPP çərçivəsinə daxil ediləcəyi anlamına gəlmir. Onun sözlərinə görə, layihəyə Nrnadzor (Nüvədi)-Karçevan dəmir yolu xətti, avtomobil yolu və elektrik xətləri daxil olacaq. Qaz və neft kəmərlərinin tikintisi ilə bağlı məsələlər isə sonrakı mərhələdə müzakirə ediləcək.
