Qafqaz News Bakupost.az-a istinadən xəbər verir ki, Azərbaycanda hərbi xidmətdən boyun qaçırma faktları üzrəcinayət işləri başlanıb. Xəbərə görə, çağırış yaşında olan bəzi vətəndaşlar müxtəlif xəstəlikləri, o cümlədən özünə xəsarət yetirib psixi və nevrotik pozuntuları simulyasiya etməklə, hətta tibbi göstəriş olmadan cərrahi əməliyyatlar etdirməklə həqiqi hərbi xidmətdən boyun qaçırmağa cəhd göstərirlər. Cari ilin iyul və oktyabr çağırışları dövründə Hərbi Prokurorluğun məlumatında bildirilib ki, bu kimi 5 fakt üzrə Cinayət Məcəlləsinin 321.1-ci maddəsi ilə cinayət işləri başlanıb. Cinayət işləri Gəncə şəhəri, İmişli rayon, Qobustan və Şuşa rayon bölmələrinin çağırışçıları üzərində araşdırılır. Məlumatda əlavə olunub ki, vətəndaşların nəzərinə çatdırılır ki, çağırışdan boyun qaçırma konstitusion borcdur və 321.1-ci maddəsinə əsasən üzrlü səbəblər olmadan tibbi müayinəyə, müddətli həqiqi hərbi xidmətə, toplanışlara və çağırış üzrə səfərbərliyə gəlməmək cinayət məsuliyyətinə səbəb olur.