Bakının Yasamal rayonunda başlayan münaqişə cinayət işi ilə nəticələnib. Hadisə Tbilisi prospekti 1054 ünvanında yerləşən “Qrand Həyat” yaşayış kompleksi zirzəmisindəki avtoyuma məntəqəsində baş verib. Salyan rayon sakini, 1989-cu il təvəllüdlü şəxs mübahisə etdiyi iş yoldaşı Əfsən ilə gecə saatlarında üzləşib. Aparılan araşdırmalarla müəyyən edilib ki, Əfsən işdə onu bir neçə saat əvəz etməsini xahiş edib, lakin Akif bu təklifi qəbul etməyib. İkili arasında baş verən mübahisə şəraitində şəxsi münasibətlərin pozulması nəticəsində Akif Əfsənin sifət nahiyəsinə zərbələr endirib. Hadisə ilə bağlı Akif Cinayət Məcəlləsinin 128-ci maddəsi ilə ittiham olunub. O, verdiyi ifadədə törətdiyi əməli etiraf edib, peşmançılığını bildirib və zərərçəkənlə barışdığını, şikayət və tələbin olmadığını vurğulayıb. Hadisə üzrə aparılan hüquqi proses Abşeron Rayon Məhkəməsində yekunlaşıb. Hökm ilə təqsirləndirilən şəxs cinayət məsuliyyətindən azad edilib və cinayət təqibinə xitam verilib.