Bakı–Balakən–Bakı marşrutu üzrə müntəzəm sərnişindaşıma xidməti noyabrın 20-dən yenidən bərpa olunur. Bununla əlaqədar Bakıdan qatarın hərəkətə başlaması 20 noyabr tarixində, Balakəndən isə 21 noyabrdan etibarən həyata keçiriləcək. Bu addım Qax-Zaqatala dəmir yolu xəttində baş vermiş sel hadisəsindən zərər görən hissənin təmirinin tamamlanması ilə mümkün olub. Azərbaycan Dəmir Yolları QSC məsələ ilə bağlı rəsmi açıqlama yayıb. Qeyd olunur ki, təmir işləri başa çatdıqdan sonra göstərilən tarixlərdən etibarən Bakı–Balakən–Bakı marşrutu üzrə sərnişin daşımaları davam etdiriləcək. Qeyd edək ki, bu il avqustun 1-də də bu marşrut üzrə sərnişin daşımaları müvəqqəti dayandırılmışdı.