Kənd Təsərrüfatı Nazirliyinin tabeçiliyində fəaliyyət göstərən Aqrar Tədqiqatlar və İnkişaf Mərkəzinin və onun struktur qurumlarının əməkdaş sayı ilə bağlı yeni ştat hədləri təsdiqlənib. Qərara əsasən, Mərkəzin aparatında işçilərin sayı 120 ştat vahidi təşkil edəcək. Eyni zamanda Bitkiçilik Elmləri İnstitutu üçün 670 ştat vahidi, Heyvandarlıq, Balıqçılıq və Baytarlıq Elmləri İnstitutu üçün isə 221 ştat vahidi müəyyənləşdirilib. Bundan əlavə, qərarla adı çəkilən qurumların əməkhaqqıları, o cümlədən vəzifə maaşları, əlavələr, mükafatlar və digər ödənişlər də təsdiq olunub. Hadisə ilə bağlı xəbəri təqdim edən KONKRET.az bildirir ki, Baş nazir Əli Əsədov qərarı imzalayıb.